Dermatiti Atopik tek Fëmijët: Udhëzuesi i plotë për prindërit

Pediatre • DIU Dermatologji Pediatrike

Hyrje

Nëse lëkura e fëmijës tuaj është e thatë, kruhet vazhdimisht ose shfaq skuqje që rikthehen, mund të bëhet fjalë për dermatit atopik, i njohur edhe si ekzema atopike. Është një nga sëmundjet më të shpeshta kronike të lëkurës në fëmijëri. Megjithëse nuk ka një kurë përfundimtare, me kujdesin e duhur shumica e fëmijëve jetojnë pa shqetësime të mëdha dhe me episode shumë më të rralla.

Çfarë është dermatiti atopik?

Dermatiti atopik është një sëmundje inflamatore kronike e lëkurës që karakterizohet nga tharje e lëkurës, kruarje intensive dhe skuqje. Problemi kryesor është dëmtimi i barrierës mbrojtëse të lëkurës, e cila humbet lagështinë dhe irritohet më lehtë.

Sa i shpeshtë është?

Prek rreth 15–20% të fëmijëve. Në shumicën e rasteve shfaqet gjatë vitit të parë të jetës.

Pse shfaqet?

Dermatiti atopik është rezultat i ndërveprimit të faktorëve gjenetikë, çrregullimeve të barrierës së lëkurës, reagimit të sistemit imunitar dhe faktorëve mjedisorë.

Simptomat

• Lëkurë e thatë
• Kruarje
• Skuqje
• Luspa
• Çarje
• Plagë nga kruarja
• Infeksione sekondare në raste të caktuara

Ku shfaqet?

Tek foshnjat prek më shpesh faqet, ballin, skalpin dhe sipërfaqet e jashtme të gjymtyrëve. Tek fëmijët më të rritur shfaqet kryesisht në përthyerjet e bërrylave, pas gjunjëve, qafë, kyçe dhe duar.

Diagnoza

Vendoset kryesisht nga ekzaminimi klinik. Analizat nuk janë të nevojshme në shumicën e rasteve.

Trajtimi

1. Emolientët janë baza e trajtimit dhe duhen përdorur çdo ditë.
2. Kortikosteroidet lokal përdoren gjatë fazave të acarimit sipas udhëzimit të mjekut.
3. Në raste të veçanta përdoren inhibitorët lokal të kalcineurinës.
4. Rastet e rënda mund të kërkojnë trajtime sistemike ose biologjike.

Rutina e përditshme

• Banjë 5–10 minuta me ujë të vakët.
• Përdorni produkte pastruese të buta.
• Vendosni emolient brenda pak minutash pas banjës.
• Vishni rroba pambuku.
• Mbani thonjtë e fëmijës të shkurtër.

Gabimet më të shpeshta

• Ndërprerja e emolientëve kur lëkura duket mirë.
• Përdorimi i sapunëve agresivë.
• Frika e pajustifikuar nga kortikosteroidet.
• Dieta kufizuese pa rekomandim mjekësor.

Kur duhet të konsultoheni me mjekun?

Nëse skuqja përhapet shpejt, ka qelb, temperaturë, dhimbje, ose nuk përmirësohet me trajtimin e rekomanduar.

Pyetjet më të shpeshta

• A është ngjitës? Jo.
• A shërohet? Tek shumë fëmijë përmirësohet me kalimin e moshës.
• A shkaktohet gjithmonë nga alergjitë? Jo.
• A duhet dietë? Vetëm kur ka indikacion të qartë mjekësor.

Këshilla e Dr. Selma

Kujdesi i përditshëm është po aq i rëndësishëm sa trajtimi gjatë acarimeve. Hidratimi i rregullt i lëkurës dhe përdorimi korrekt kortikosteroidëve lokal ndihmojnë në uljen e episodeve dhe përmirësojnë cilësinë e jetës së fëmijës.

Produktet e rekomanduara

Një rutinë e mirë e kujdesit është thelbësore për menaxhimin e dermatitit atopik. Për këtë arsye, kam përzgjedhur produkte që ndihmojnë në pastrimin e butë të lëkurës, hidratimin intensiv dhe rikthimin e barrierës mbrojtëse.

Në këtë artikull rekomandoj:

• Ceramol 311 Olio Detergente – për pastrim të butë, pa dëmtuar barrierën mbrojtëse të lëkurës.
• Ceramol 311 Cream – për hidratim intensiv dhe rikthimin e barrierës së lëkurës.
• Ceramol Beta Complex Cream – për qetësimin e skuqjes, kruarjes dhe irritimit gjatë fazave aktive të dermatitit atopik.

Referenca

• American Academy of Pediatrics (AAP)
• American Academy of Dermatology (AAD)
• European Academy of Dermatology and Venereology (EADV)
• ETFAD Guidelines